İqtisadi xəbərlər

Dövlət qurumlarına məxus avtomobillər satışa çıxarılır

Azərbaycanda dövlət qurumlarına məxsus bir sıra nəqliyyat vasitələri hərraca çıxarılır.

Crossmedia.az-ın İqtisadiyyat Nazirliyi yanında Əmlak Məsələləri Dövlət Xidmətinə istinadən məlumatına görə, hərraca çıxarılacaq nəqliyyat vasitələri Azərbaycan Respublikasının Hesablama Palatası, Azərbaycan Respublikası Nazirlər Kabinetinin İşlər Müdiri və Azərbaycan Respublikasının Əmək və Əhalinin Sosial Müdafiəsi Nazirliyinə məxsusdur.

Məlumata əsasən, siyahıda ümumilikdə 29 ədəd nəqliyyat vasitəsi yer alıb.

Satışa çıxarılan nəqliyyat vasitələrinin buraxılış ili 1972-ci ildən 2014-cü ilədək, start qiyməti isə 450 manatdan başlayaraq 19 350 manatadək dəyişir.

Sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) hərracın keçirilməsinə ən gec 3 (üç) bank günü qalanadək qəbul olunacaq.