Azərbaycan və Şimali Makedoniya Orta Dəhliz və iqtisadi əməkdaşlığı müzakirə ediblər
Azərbaycan və Şimali Makedoniya arasında enerji, Orta Dəhliz, əczaçılıq və digər istiqamətlərdə əməkdaşlıq perspektivləri nəzərdən keçirilib.
Crossmedia.az İqtisadiyyat Nazirliyinə istinadən xəbər verir ki, bu barədə müzakirələr nazir Mikayıl Cabbarov və Şimali Makedoniya Respublikası Assambleyasının sədri Afrim Qaşi arasında keçirilən görüşdə aparılıb.
Görüşdə Azərbaycanın Şimali Makedoniya ilə iqtisadi tərəfdaşlığın möhkəmləndirilməsinə önəm verdiyi vurğulanıb. Qeyd olunub ki, bu ilin yanvar-aprel aylarında ölkələrimiz arasında ticarət dövriyyəsinin həcmi ötən ilin müvafiq dövrünə nisbətən 27 %-dən çox olub. Bununla belə, birgə səylərin gücləndirilməsi qarşılıqlı ticarəti daha da artıra bilər.
Qonaqlara Azərbaycanın biznes və investisiya imkanları haqqında məlumat verilib və Şimali Makedoniyanın iş adamları fəal işbirliyinə dəvət olunub.
Tərəflər enerji, Orta Dəhliz, kiçik və orta sahibkarlıq, əczaçılıq və digər istiqamətlərdə əməkdaşlığın perspektivlərini nəzərdən keçiriblər.
18:18 19.06.2025
Oxunuş sayı: 5057
