Elşad Miri: “Bu gün Həcc ibadəti İslamın orijinal ruhundan uzaq şəkildə icra edilir”
Ərəfə günü ilə bağlı dini çevrələrdə müxtəlif fikirlər səsləndirildiyi bir vaxtda ilahiyyatçı Elşad Miri məsələyə fərqli yanaşma sərgiləyib.
Crossmedia.az xəbər verir ki, Elşad Miri Həccin mahiyyətini izah edərək bildirib ki, bu ibadət yalnız müəyyən məkanlarda dua etməklə məhdudlaşmır.
İlahiyyatçı qeyd edib: “Vallah, bilmirəm bilirsiniz ya yox, mənim həcc məsələsi ilə bağlı mövqeyim tamam fərqlidir. Yəni bugünkü o Ərəfə məsələsi gərəksə, amma oraya yığışıb həmin məkanda dua eləməklə əlaqəli olan bir məsələ deyil. Həcc ümumiyyətlə beynəlxalq simpoziumdur, beynəlxalq konqresdir, bugünkü Birləşmiş Millətlər Təşkilatının Allah tərəfindən insanlığın ilk yaradılışından etibarən insanlara etdiyi çağırışdır. İbrahim Peyğəmbər də həmin çağırışı təşviq edib”.
Elşad Miri həmçinin əlavə edib ki, bu gün Həcc ibadəti İslamın orijinal ruhundan uzaq şəkildə icra edilir: “Təəssüf ki, həcc fərqli bir məcrada həyata keçirilir. İnsanlar gedir, sadəcə Kəbənin ətrafına fırlanır, sonra orada namaz qılır, Səfa-Mərvə arasında qaçır, sonra Minada qalır. İslamda olmadığı halda yenə şeytan daşlama və sair olur. Bunların heç biri İslamda yoxdur. Bunlar sonradan islamlaşdırılmış yanaşmadır”.
Zəhra Ağayeva
16:03 05.06.2025
Oxunuş sayı: 12285
