Son 5 ildə sosialyönlü xərclər 4013,5 milyon manat artıb
Son 5 ildə sosialyönlü xərclər 4013,5 milyon manat artıb.
Crossmedia.az xəbər verir ki, bu barədə “Azərbaycan Respublikasının 2024-cü il dövlət büdcəsinin icrası haqqında” qanun layihəsində qeyd olunub.
Sənədə əsasən, ötən il ərzində məcmu olaraq sosialyönlü xərclər (büdcə xərclərinin əməyin ödənişi fondu, ərzaq məhsullarının alınması, təqaüd və sosial müavinətlər, dərman, sarğı ləvazimatları və materiallarının alınması, əhalinin icbari tibbi sığortalanması, kommunal, kommunikasiya xidmətləri və digər tədbirlər (20 il və daha çox xidmət etmiş işləyən və ehtiyatda olan hərbi qulluqçuların mənzillə təmin olunması və onlara pul kompensasiyanın verilməsi ilə bağlı xərclər) dövlət büdcəsi xərclərinin 38,9 faizi həcmində və ya 14652,7 milyon manat məbləğində icra olunmuşdur ki, bu da 2023-cü illə müqayisədə 303,6 milyon manat və ya 2,1 faiz çoxdur.
Bildirilib ki, son 5 ildə, yəni 2020-ci illə müqayisədə 2024-cü ildə sosialyönlü xərclər mütləq ifadədə 4013,5 milyon manat və ya 37,7 faiz artıb.
Sosialyönlü xərclərə aid olan əməyin ödənişi xərclərinə 8406,4 milyon manat (2023-cü illə müqayisədə 276,4 milyon manat və ya 3,4 faiz çox), sosial ödənişlər üzrə xərclərə 4253,0 milyon manat, ərzaq məhsullarının alınması və təminatı üzrə xərclərə 463,6 milyon manat (2023-cü illə müqayisədə 55,7 milyon manat və ya 13,7 faiz çox), dərman, sarğı ləvazimatlarının və materiallarının alınması xərclərinə 126,8 milyon manat (2023-cü illə müqayisədə 10,7 milyon manat və ya 9,3 faiz çox), əhalinin icbari tibbi sığortalanması və səhiyyə sahəsində dövlət proqramlarının və tədbirlərinin icrası ilə bağlı xərclərə 1368,0 milyon manat (2023-cü illə müqayisədə 104,2 milyon manat və ya 8,2 faiz çox), 20 il və daha çox xidmət etmiş işləyən və ehtiyatda olan hərbi qulluqçuların mənzillə təmin olunması xərclərinə 35 milyon manat vəsait yönəldilib.
Qanun layihəsi parlamentin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılıb.
10:06 27.05.2025
Oxunuş sayı: 7388
