Süni intellekt insanları cinayətə təşviq edir?
Dünyanın bir çox ölkəsində istifadəsi sürətlə artan süni intellekt səhiyyə, maliyyə, təhsil, avtomobil və logistika kimi sahələrdə göstərdiyi faydalarla gündəlik həyatı xeyli asanlaşdırır. Lakin mütəxəssislər xəbərdarlıq edir ki, prosesləri sürətləndirdiyinə görə geniş istifadə olunan bu texnologiya müəyyən risklər də yarada bilər.
Crossmedia.az dünya alimlərinin araşdırmalarına istinadən xəbər verir ki, son günlərdə milyonlarla istifadəçisi olan OpenAI, istifadəçilərə göstərdiyi “hədsiz təriflərə” görə tənqid olunmaqdadır. Sosial şəbəkələrdə yayılan bəzi iddialara görə, süni intellekt insanları həddindən artıq tərifləməklə cinayətə təşviq edir və peşmanlıq kimi duyğuların təsirini azaldır.
Psixoloq İan MakRey bildirib ki, süni intellektin “dəstəkləyici” üslubunun arxasında istifadəçidə asılılıq yaratmaq niyyəti dayanır və bu, bilərəkdən tətbiq olunan bir dizayndır.
İnsanlar şəxsi problemləri üçün də müraciət edir
Harvard Business Review-un apardığı tədqiqat göstərir ki, dil modelləri artıq təkcə mətn yazmaq, redaktə etmək və ya kodlardakı xətaları aradan qaldırmaq üçün deyil, həm də şəxsi problemlərin həllində istifadə olunmağa başlayıb. Bu meyil, bu texnologiyanın manipulyasiyaya açıq olduğu barədə daha çox maarifləndirmə aparılmalı olduğunu göstərir.
MakRey vurğulayıb ki, bir alətin mətn redaktə etməsi və ya kod yaratması normaldır. Lakin bir maşından emosional bağ qurmasını gözləmək və onu həyat kouçu kimi qəbul etmək düzgün deyil.
O əlavə edib ki, son yeniləmələrlə yapay zəka insan duyğularını anlamasa da, anlayırmış kimi davranaraq istifadəçini daha çox özünə bağlayır.
Mədinə Cəlilova
22:12 22.04.2025
Oxunuş sayı: 781
