Azərbaycanla Özbəkistan Orta Dəhlizin əhəmiyyəti barədə müzakirə aparıb
Azərbaycan və Özbəkistan Transxəzər Beynəlxalq Nəqliyyat Dəhlizinin (TBNM, Orta Dəhliz) əhəmiyyəti və aktuallığını müzakirə ediblər.
Bu barədə Crossmedia.az “Azərbaycan Xəzər Dəniz Gəmiçiliyi” QSC-yə (ASCO) istinadən xəbər verir.
Məlumata görə, danışıqlar ASCO-nun İdarə Heyətinin sədri Rauf Vəliyev ilə Azərbaycanda səfərdə olan Özbəkistanın Nəqliyyat Nazirliyi yanında Nəqliyyat və Logistikanın İnkişafının Öyrənilməsi Mərkəzinin direktoru Bekzod Xolmatov arasında görüş çərçivəsində aparılıb.
Bildirilib ki, Özbəkistan Nəqliyyat Nazirliyinin və Özbəkistan Dəmir Yollarının əməkdaşlarından ibarət nümayəndə heyətinə nəqliyyat və logistika sahəsində Azərbaycanda həyata keçirilən mühüm tədbirlər, eləcə də ASCO-nun fəaliyyəti barədə ətraflı məlumat verilib.
Görüşdə Orta Dəhlizin inkişafı çərçivəsində Xəzər dənizində Özbəkistan-Azərbaycan nəqliyyat əlaqələrinin genişləndirilməsi, o cümlədən Xəzərdə bərə daşımaları seqmentində yeni çağırışlara dair müzakirələr aparılıb.
11:30 13.03.2025
Oxunuş sayı: 12016
