Azərbaycanda ESG standartlarının tətbiqində mühüm irəliləyiş var
Azərbaycanda Ekoloji, sosial və korporativ idarəetmə (ESG) standartlarının tətbiqi sahəsində mühüm nailiyyətlər əldə edilib.
Crossmedia.az xəbər verir ki, bunu Biznes Mühiti və Beynəlxalq Reytinqlər üzrə Komissiyanın katibliyinin rəhbəri, Prezident Administrasiyasının İqtisadi siyasət vә sənaye mәsәlәlәri şöbәsinin sektor müdiri Vüsal Şıxәliyev "Korporativ idarəetmə, investisiyalar və korporativ sosial məsuliyyət" İşçi Qrupunun ESG standartları altqrupunun 2025-ci il üzrə ilk iclasında bildirib.
"ESG qarşımızda böyük hədəflər kimi dayanırdı. İndi deyə bilərik ki, bu hədəflərə nail olmaq üçün mühüm naliyyətlər əldə edilib. 2023-cü ilin əvvəlində ESG ilə bağlı qəbul edilmiş strateji baxış sənədinin əsas sütunlarını formalaşdıranda düşünürdük ki, bu çətin bir prosesin başlanğıcıdır. Amma həmkarlarımızın bu sahəyə baxışı 5 illik hədəfə qısa müddətdə nail olmağa imkan verdi. Bu gün keçirilən tədbir ötən il əldə edilmiş nəticələri qeyd etməklə yanaşı həm də bundan sonrakı gələcək fəaliyyətin prioritetlərini müəyyənləşdirmək üçün töhfə olacaq", - deyə o qeyd edib.
16:55 25.02.2025
Oxunuş sayı: 9840
