AMB daha 2 banka sığorta agenti fəaliyyəti üçün lisenziya verib
Azərbaycan Mərkəzi Bankı (AMB) “Bank Avrasiya” və "Bank BTB” ASC-lərə sığorta agenti fəaliyyəti üçün lisenziya verib.
Crossmedia.az bu barədə AMB-yə istinadən xəbər verir.
Beləliklə, hazırda Azərbaycanda 60 hüquqi şəxs, həmçinin 21 bank sığorta agenti lisenziyasına malikdir.
Xatırladaq ki, "Bank Avrasiya" 2007-ci ildə yaradılıb. Bankın səhmlərinin 37,5 %-i "Euro Standard" MMC-yə ("Xalq Bank" ASC-nin 33,85 %-lik, "Xalq Sığorta" ASC-nin 50 %-lik səhmdarı), 37,5 %-i "PDM Qrup" MMC-yə, 25 %-i isə "Azbizneskom" MMC-yə məxsusdur.
“Bank BTB” isə 2010-cu ildə yaradılıb. Bankın səhmlərinin 76,74 %-i Nigar Mehdiyevaya, 17,68 %-i Rza Sadiqə (Müşahidə Şurasının sədri), 5,58 %-i isə Tükəzban Mahmudovaya məxsusdur.
17:38 31.01.2025
Oxunuş sayı: 8638
