Ötən il Azərbaycan 1,2 milyard dollarlıq qara metal alıb
Ötən il Azərbaycan 91,7 milyon ABŞ dolları dəyərində 97,6 min ton qara metallar və onlardan hazırlanan məmulatlar ixrac edib.
Bu barədə Crossmedia.az Dövlət Gömrük Komitəsinə istinadən xəbər verir.
Məlumata görə, bu, 2023-cü ildəki göstəricilərlə müqayisədə dəyər ifadəsində 11,1 milyon ABŞ dolları və ya 10,8%, həcm ifadəsində isə 9,1 min ton və ya 8,5% azdır.
Qara metallar və onlardan hazırlanan məmulatların ixracı Azərbaycanın ümumi ixracının 0,35%-ni, qeyri-neft sektoru üzrə ixracının isə 2,73%-ni təşkil edib.
Eyni zamanda ötən il Azərbaycan 1,2 milyard ABŞ dolları dəyərində 1,04 milyon ton qara metallar və onlardan hazırlanan məmulatlar idxal edib ki, bu da əvvəlki ilin eyni dövrünə nisbətən dəyər ifadəsində 77,2 min ABŞ dolları və ya 7%, həcm ifadəsində isə 148,6 min ton 16,5% çoxdur.
Ötən il qara metallar və onlardan hazırlanan məmulatların idxalı Azərbaycanın ümumi idxalının 5,59%-ni təşkil edib.
19:31 24.01.2025
Oxunuş sayı: 7824
