Hulusi Akar: NATO-nun cənub sərhədlərinin təhlükəsizliyi Türkiyənin üzərinə düşür
NATO və Avropa İttifaqının (Aİ) cənub sərhədlərinin təhlükəsizliyi Türkiyənin üzərinə düşür.
Crossmedia.az xəbər verir ki, bunu Türkiyə Böyük Millət Məclisinin Milli müdafiə komissiyasının sədri, Türkiyə Respublikasının sabiq milli müdafiə naziri Hulusi Akar Çexiya Senatının sədr müavini İrji Oberfalzer və Xarici İşlər, Müdafiə və Təhlükəsizlik Komitəsinin sədri Pavel Fişerin rəhbərlik etdikləri nümayəndə heyətləri ilə görüş barədə "X"də yazıb.
O bildirib ki, Türkiyə NATO missiyalarına və əməliyyatlarına say və büdcə baxımından ən çox töhfə verən ölkələrdən biridir: "Kiprdə ədalət tələb edirik: "Balkanlarda kövrək bir sakitlik hökm sürür. Ukraynanın ərazi bütövlüyünü dəstəkləyirik. Yaxın Şərqdə davamlı sülh üçün 1967-ci il sərhədləri daxilində müstəqil Fələstin Dövlətindən başqa heç bir həll yolu yoxdur. ABŞ-İsrail-İran atəşkəsinin daimi olması üçün problemlərin dinc və diplomatik yolla həllini dəstəkləyirik".
Siyasətçi əlavə edib ki, Türkiyə Çexiya Respublikası ilə münasibətləri parlament səviyyəsində də inkişaf etdirməyə çalışmağa davam edəcək.
20:36 14.05.2026
Oxunuş sayı: 58
