Biznes
Marsol Group-un təşkilatçılığı ilə 30-dan çox sahibkar işgüzar axşam ziyafətində bir araya gəlib
21 aprel tarixində “Mangal Steak House”da baş tutan görüşdə Marsol Group-un sponsorları ilə yanaşı, ölkədə müxtəlif sahələrdə fəaliyyət göstərən iri şirkətlərin rəhbərləri də iştirak ediblər.
Crossmedia.az xəbər verir ki, tədbirin əsas məqsədi sahibkarlar arasında əlaqələrin genişləndirilməsi, yeni əməkdaşlıq imkanlarının yaradılması və biznes mühitində qarşılıqlı təcrübə mübadiləsinin təşviqi olub.
Marsol Group və İCMA-nın İdarə Heyətinin sədri Tural Mustafayev çıxış edərək təşkilatın fəaliyyəti və həyata keçirilən layihələr barədə iştirakçılara ətraflı məlumat verib.
Tədbir çərçivəsində iştirakçılar arasında tanışlıqlar baş tutub, biznesə dair aktual mövzular müzakirə olunub və yeni əməkdaşlıq perspektivləri dəyərləndirilib. Səmimi və işgüzar atmosferdə keçən görüş iştirakçılar tərəfindən yüksək qiymətləndirilib.
Marsol Group gələcəkdə də bu kimi platformalar vasitəsilə sahibkarları bir araya gətirməyi və biznes əlaqələrinin inkişafına töhfə verməyi planlaşdırır.
17:14 22.04.2026
Oxunuş sayı: 60
