Zelenski Rusiyanın hərbi ambisiyalarının artdığını bildirib
Rusiyanın yenilənmiş müharibə planlarının ətraflı təhlilini aparırıq. Ukrayna Silahlı Qüvvələrinin Komandanlığı düşmənin dəqiq nə planlaşdırdığını və Rusiyanın siyasi rəhbərliyi tərəfindən Rusiya ordusu üçün hansı prioritetlərin müəyyən edildiyini aydın şəkildə başa düşür. Biz buna qarşı çıxacağıq.
Crossmedia.az xəbər verir ki, bunu Ukrayna Prezidenti Volodimir Zelenski "X"də yazıb.
"Təəssüf ki, sanksiyaların və tərəfdaşlarımızın təcavüzkara siyasi təzyiqinin azaldılması Rusiyanın hərbi ambisiyalarının qismən artmasına səbəb olub. Lakin uzunmüddətli sanksiyalarımız, cəbhə xəttində dronların artan istifadəsi və bölmələrimizin aktiv hərəkətləri işğalçıya lazımi cavabları verəcək. Bu gün növbəti əməliyyatlarımızın siyahısını təsdiqlədim. Baş Komandan və Baş Qərargah rəisi cəbhədəki ən təsirli bölmələr haqqında məlumat verdilər - hər nəticəyə görə onlara təşəkkür edirəm. Həmçinin cəbhə xəttində prioritet təchizat ehtiyaclarını müəyyən etdik ki, bunlar dərhal həll edilməlidir. Dövlətimizi və xalqımızı müdafiə etdikləri üçün hər bir əsgərə, çavuşa və zabitə təşəkkür edirəm. Ukraynaya eşq olsun!", - o bildirib.
19:25 21.04.2026
Oxunuş sayı: 52
