Səfir C-130 hərbi helikopterinin qəzaya uğraması nəticəsində şəhid olan pilotun ailəsini ziyarət edib
Azərbaycanın Türkiyədəki səfiri Türkiyə ordusuna məxsus C-130 hərbi helikopterinin Azərbaycan - Gürcüstan sərhədində qəzaya uğraması nəticəsində şəhid olan Türkiyə Hərbi Hava Qüvvələrinin pilotu Cüneyt Kandemirin ailəsini ziyarət ediblər.
Crossmedia.az xəbər verir ki, bu barədə səfirliyin "X" hesabında paylaşım edilib.
Qeyd olunub ki, başsağlığı ziyarətində Azərbaycanın Türkiyədəki səfiri Rəşad Məmmədov, Azərbaycanın Türkiyədəki hərbi atteşəsi general Zaur Zeynalov və Türkiyə Milli Müdafiə Nazirliyinin rəsmiləri iştirak ediblər.
Ziyarət zamanı, həmçinin iki qardaş ölkənin həmrəyliyi diqqətə çatdırılıb.
Qeyd edək ki, sözügedən hərbi helikopter 2025-ci il noyabrın 11-də Azərbaycandan qayıdarkən qəzaya uğrayıb. Hadisə ilə bağlı araşdırma davam edir.
18:30 14.01.2026
Oxunuş sayı: 1272
