Azərbaycanla İsrail arasında mühüm razılaşma əldə olundu
Azərbaycanla İsrail arasında ticarət əlaqələrinin genişləndirilməsi barədə razılıq əldə olunub.
Crossmedia.az xəbər verir ki, bu barədə Azərbaycanın kənd təsərrüfatı naziri Məcnun Məmmədov İsraildə bu ölkənin kənd təsərrüfatı və qida təhlükəsizliyi naziri Avi Dixter ilə görüşü barədə "X" hesabındakı paylaşımında qeyd edib.
O, görüşün səmərəli və konstruktiv keçdiyini bildirib: "Görüş zamanı 2026–2028-ci illəri əhatə edən Yol Xəritəsinin yenilənməsi və Azərbaycanda birgə toxum istehsalı, eləcə də ticarət əlaqələrinin genişləndirilməsi və gücləndirilməsi barədə razılıqlar əldə edildi. Həmçinin nazirliklərin tədqiqat mərkəzləri arasında əməkdaşlığın gələcək perspektivləri və gənc Azərbaycan mütəxəssisləri üçün təcrübə və akademik proqramların davam etdirilməsi, eləcə də müasir #texnologiyaların transferi barədə fikir mübadiləsi apardıq".
17:13 12.01.2026
Oxunuş sayı: 1438
