Xarici xəbərlər

Ukrayna XİN başçısı beynəlxalq ictimaiyyətə səslənib: "Putinin iqamətgahına hücum"a narahatlıqla cavab verənlər...

Kiyevdə dəhşətli bir gecədə Rusiya hücumlarından sonra bir tibb işçisi də daxil olmaqla dörd mülki şəxs həlak olub, iyirmidən çox insan yaralanıb. Yaşayış məntəqələri, vacib infrastruktur, elektrik enerjisi, istilik və su təchizatı kruiz və ballistik raketlər və dronların amansız hücumuna məruz qalıb.

Crossmedia.az xəbər verir ki, bunu Ukrayna xarici işlər naziri Andrey Sbiqa "X"də yazıb.

"Bu səhər Lvov və Kiyev, Dnepr, Zaporojye, Krivoy Roq və bu həftənin əvvəlində digər bölgələr — təcavüzkar sülh səylərinə tamamilə etinasızlıq nümayiş etdirir. Rusiya diplomatiya əvəzinə müharibəyə, terrora və barbarlığa pul qoyur. Lakin müharibə cinayətkarı Putin (Red: Rusiya dövlət başçısı Vladimir Putin) ukraynalıları ultimatumlarını qəbul etdirmək üçün bombalaya biləcəyini düşünürsə, səhv edir. Bu cür hücumlar xalqımızı daha birləşdirir və təcavüzə və terrora müqavimət göstərməkdə qətiyyətlidir. Tərəfdaşlarımızı gecə hücumlarının nəticələri barədə məlumatlandırırıq. Xüsusilə də bu yaxınlarda saxta "Putinin iqamətgahına hücum"a narahatlıqla cavab verənlərdən ictimai qınaq tələb edirik".

O, rəsmi Kiyevin tərəfdaşlarını Moskvaya təzyiqləri artırmaq üçün təcili tədbirlər görməyə çağırıb: "Rusiyanın terror və müharibə üçün resurslardan məhrum edilməsi üçün yeni sərt sanksiyalar tətbiq edilməlidir. Ukraynaya xalqımızı daha yaxşı qorumaq və işğalçıları geri itələmək üçün yeni müdafiə yardım paketləri ayırılmalıdır. Rusiya cinayətlərinə görə məsuliyyəti təmin etmək üçün yeni addımlar atılmalıdır. Rusiyanın terroru və vəhşiliyi birlik, güc və ədalətlə qarşılanmalıdır".