Venesuelada baş verənlərin pərdəarxası: Taxt oyunları, yoxsa?
Bu gün dünyada ən çox müzakirə olunan məsələ ABŞ-nin Venesuelaya qarşı dörd saatlıq əməliyyatı və Prezidenti Nikolas Madurunun öz yataq otağından oğurlanmasıdır. Əməliyyat çox qısa çəkdi, cəmi bir neçə saat. Və maraqlıdır ki, əməliyyatı həyata keçirənlar arasında bir nəfər də yaralanmadı, ölmədi. Bu, Maduronun satılmasına dair ciddi şübhələr yaradır.
Sözügedən ehtimal barədə Crossmedia.az-a danışan ReAL partiyasının sədri Natiq Cəfərli söyləyib ki, bu gün baş verənləri anlamaq üçün 50 il keçmişə qayıtmaq lazımdır, təməl ordadır, amma, qırılma nöqtəsinin ölkəsinin keçmiş prezidenti Hüqo Çavesin varis planında yarandığı üzə çıxır: "Venesuelanın vitse-prezidenti, dünəndən etibarən Venesuelanın Konstitusiya Məhkəməsi tərəfindən bu ölkənin qanuni və faktiki rəhbəri elan edilən Delci Rodrigez, məncə, bütün bu hekayənin əsas aktryoru, doğma qardaşı Jorge Rodrigez isə baş rejissorudur. 1969-cu ildə Venesuelada “Liga Socialista” adlı hərakat yaranır. Bu hərəkatın təsisçisi və rəhbəri Venesuelanın varlı təbəqəsindən çıxan Antonio Rodrigez oldu. Antonio Rodrigezin iki övladı vardı – qızı Delci, oğlu Jorge. 1976-cı ildə Antonio Rodrigez həbs olunur və istintaq zamanı müammalı şəkildə ölür. Amma, ailəsi varlı olduğundan həyat yoldaşı hər iki uşağa yaxşı təhsil verməyi bacarır – oğlu Jorge həkim, qızı Delci hüquqşünas olur. Delci bir müddət Fransada yaşayır, orada təhsil alıb Venesuelaya dönür. Uqo Çaves hakimiyyətə gələndən sonra qardaş-bacıya yaxşı vəzifələr verir. Hamı gözləyirdi ki, öz varisi kimi Jorge Rodrigezi elan edəcək, o zamanlar Jorge vitse-prezident idi. Amma, Çaves düşündü ki, Jorgenin xarizması azdır. Ona görə də, keçmiş avtobus sürücüsü, odlu-alovlu çıxışları ilə seçilən, həmkarlar lideri olan Maduronu öz varisi elan etdi".
O bildiri b ki, Rodrigez klanının gücünü bilirdi deyə bacını vitse-prezident, qardaşı isə Karakasın meri, parlamentin sədri kimi yüksək vəzifələrə təyin etməyə məcbur oldu: "Amma, görünən odur ki, bacı-qardaş gözləməkdən bezdilər, Maduronun xoşluqla getməyəcəyini anladılar. Çox güman, ABŞ-dən tam zəmanət aldılar ki, Nobel almış müxalifət lideri ölkəyə gəlməyəcək, hakimiyyət bu klana keçəcək. Buna görə də ABŞ-yə daxildən ciddi yardım etdilər. Nəhayət ki, klan Çavesin və Maduronun onlara qısqanc münasibətinin qısasını almağa nail oldu və ya buna çox yaxınlaşdı. Tarixən müxtəlif ölkələrdə “taxt oyunlarını”, inqilab, xalq üsyanı, bəzən də, güclü ölkənin unikal əməliyyatı kimi təqdim ediblər".
10:55 05.01.2026
Oxunuş sayı: 4205
