Psixiatrla müsahibə: Son illərdə təşviş və həyəcan pozuntuları artıb - Anons
Müasir dövrdə insan psixikasının sağlamlığı cəmiyyətin ümumi rifahını müəyyən edən əsas amillərdən birinə çevrilmişdir. Sürətlə dəyişən həyat tərzi, sosial gərginliklər, informasiya bolluğu, müharibələr, postmünaqişə travmaları və gündəlik stress amilləri insanların psixi durumuna ciddi təsir göstərir. Bu reallıq fonunda psixi sağlamlıq mövzusu artıq təkcə tibbi problem deyil, eyni zamanda sosial, psixoloji və hətta milli təhlükəsizlik məsələsi kimi dəyərləndirilir.
Bu məsələləri nəzərə alaraq "Doktor danışır" rubrikası çərçivəsində bu dəfə psixiatr Ruslan Əliyevlə həmsöhbət olduq.
Müsahibədən əsas fikirləri təqdim edirik:
— "Obsesiv-kompulsiv pozuntu halları artıb".
— "Psixiatriya elmi tarixi baxımdan çox da qədim sahə deyil".
— "Son illərdə – xüsusilə pandemiya və müharibədən sonra – təşviş və həyəcan pozuntularının artdığını klinik müşahidələrimiz təsdiqləyir".
— "Aktiv həyat tərzi, sosial münasibətlər, işlə məşğul olmaq, keyfiyyətli yuxu psixi sağlamlığın əsas qoruyucu faktorlarıdır".
Qeyd edək ki, müsahibə yaxın günlərdə saytımızda yayımlanacaq.
Elmir Heydərli
13:52 25.12.2025
Oxunuş sayı: 2374
