Şuşada investorların sağlamlıq və kurort tipli obyektlər inkişaf etdirə bilməsi üçün ərazilər ayrılıb - Aydın Kərimov
"Şuşada səhiyyə turizminin inkişafı üçün geniş imkanlar var".
Crossmedia.az xəbər verir ki, bunu Şuşa rayonunda Azərbaycan Respublikası Prezidentinin xüsusi nümayəndəsi Aydın Kərimov Beynəlxalq İnvestisiya Forumunda çıxışı zamanı deyib.
“Şuşada təmiz hava, gözəl təbiət var. Bunun, əlbəttə ki, səhiyyəyə, insanların sağlamlığına müsbət təsiri var. Səhiyyə turizminin inkişafında bu amil çox mühümdür. TƏBİB və Səhiyyə Nazirliyinin dəstəyi ilə Şuşada tibbi sahənin inkişafı təmin edilir. Turistlərin dincəlməsi, xüsusilə, cərrahi əməliyyatlardan sonra reabilitasiya xidməti üçün Şuşada əlverişli şərait var və biz bu məqsədlə otel sektorunun yaxşılaşdırılması üçün beynəlxalq ekspertlərlə konsultasiya aparır, onların bilik və bacarıqlarından istifadə edirik” - Aydın Kərimov qeyd edib.
Prezidentin xüsusi nümayəndəsi Şuşada 30-a kimi tarixi abidənin bərpa olunduğunu və abadlaşma işlərinin davam etdiyini bildirib, bir neçə ildən sonra bəzi infrastruktur layihələrinin də hazır olacağını qeyd edib.
13:04 23.09.2025
Oxunuş sayı: 1517
