Xarici xəbərlər

İran xəbərdarlıq etdi: ABŞ qoşularsa, Amerika hərbçilərinə zərbə endiriləcək

İranın xarici işlər naziri Abbas Araqçi ABŞ-nin İsrailin Yaxın Şərqdə başladığı hərbi əməliyyatlara qoşulacağı təqdirdə, bölgədəki Amerika hərbçilərinə qarşı cavab zərbələri endiriləcəyini bəyan edib.

Crossmedia.az xarici mediaya istinadən bildirir ki, Araqçi bu barədə verdiyi bir müsahibədə danışıb. O bildirib ki, ABŞ İsrailin hücumlarını dəstəkləyərək birbaşa münaqişəyə daxil olarsa, İran bunu ölkənin suverenliyinə təhdid kimi qəbul edəcək və müvafiq addımlar atacaq.

“Müharibə gedirsə, tərəflər bir-birinə zərbə endirir. Bu, aydın məsələdir. Özünümüdafiə isə hər bir ölkənin qanuni haqqıdır" – deyə nazir vurğulayıb.

İranın baş diplomatı əlavə edib ki, əgər ABŞ Prezidenti Donald Tramp istəsəydi, bir telefon zəngi ilə İsraili İrana hücumu dayandırmağa razı sala bilərdi. Araqçinin sözlərinə görə, Vaşinqtonun bu məsələdə susqunluğu və ya hərbi dəstək göstərməsi regional sabitliyi ciddi təhlükə altına atır.

Fatimə Nəbiyeva

🖨 Çap et

10:05 21.06.2025

Oxunuş sayı: 6356