AEBA rəhbəri: “Buşehr nüvə stansiyasına hücum regional fəlakətə səbəb ola bilər”
Atom Enerjisi üzrə Beynəlxalq Agentliyin (AEBA) baş direktoru Rafael Qrossi İranın Buşehr nüvə stansiyasına mümkün hücumun bölgə üçün ciddi təhlükə yaradacağı barədə xəbərdarlıq edib.
Crossmedia.az xəbər verir ki, Qrossi bu barədə BMT Təhlükəsizlik Şurasındakı çıxışında danışıb.
“Son saatlar ərzində bir sıra region ölkələri mənimlə birbaşa əlaqə saxlayaraq narahatlıqlarını ifadə ediblər. Bir məsələni açıq şəkildə vurğulamaq istəyirəm: Buşehr nüvə obyektinə hücum genişmiqyaslı radioaktiv sızmaya və regional fəlakətə səbəb ola bilər”, - deyə AEBA rəhbəri bildirib.
Qrossi qeyd edib ki, belə bir hücum yalnız hərbi deyil, eyni zamanda ciddi ekoloji və humanitar nəticələrə yol aça bilər.
22:10 20.06.2025
Oxunuş sayı: 11810
