Paşinyan Ərdoğanla hansı məsələləri müzakirə edib? - YENİLƏNİB
Türkiyə Prezidenti Rəcəb Tayyib Ərdoğanla Ermənistanın Baş naziri Nikol Paşinyan arasında keçirilən görüş başa çatıb.
Crossmedia.az xəbər verir ki, Paşinyan görüşlə bağlı “X” hesabında paylaşım edərək, əsas müzakirə mövzularını açıqlayıb.
Onun sözlərinə görə, görüşdə Türkiyə–Ermənistan münasibətlərinin normallaşması, eləcə də regional inkişaf prosesləri və davamlı dialoqun əhəmiyyəti müzakirə olunub.
21:12
XXX
Türkiyə Prezidenti Rəcəb Tayyib Ərdoğan Ermənistanın Baş naziri Nikol Paşinyanı İstanbulda yerləşən Dolmabaxça Prezident Aparatında rəsmi mərasimlə qarşılayıb.
Crossmedia.az "Haber Global"a istinadən xəbər verir ki, qarşılanma mərasimindən sonra nümayəndə heyətlərinin təqdimatı olub və ikitərəfli görüş başlayıb.
Rəsmi naharda Türkiyənin xarici işlər naziri Hakan Fidan və Ermənistanın xarici işlər naziri Ararat Mirzoyan da iştirak ediblər.
Görüşdə regional məsələlər, ikitərəfli münasibətlər və normallaşma prosesi müzakirə olunub.
21:58 20.06.2025
Oxunuş sayı: 10073
