Ermənistanda müxalif qüvvələrə qarşı əməliyyatlar genişlənir
Ermənistanda müxalif siyasi dairələrə qarşı təhlükəsizlik qüvvələrinin keçirdiyi əməliyyatlar geniş vüsət alıb.
Crossmedia.az xəbər verir ki, Ermənistan İnqilabi Federasiyası (ARF) “Daşnaksütyun” partiyasının ali orqanının nümayəndəsi İşxan Saqatelyan sosial şəbəkələrdə yaydığı açıqlamada partiyanın regional bölmələrində həbslər və axtarışların aparıldığını bildirib.
Saqatelyan bu addımı siyasi təzyiqlərin yeni mərhələsi kimi qiymətləndirib və hadisələrin baş nazir Nikol Paşinyanın Türkiyəyə səfəri ilə eyni vaxta təsadüf etdiyini vurğulayıb.
Erməni mediasının məlumatına görə, yalnız “Daşnaksütyun” üzvləri deyil, həm də “Müqəddəs Mübarizə” (əvvəlki adı: “Vətən naminə Tavuş”) hərəkatının tərəfdarları da saxlanılıb.
Hərəkatın rəhbəri, revanşist mövqeyi ilə tanınan arxiyepiskop Baqrat Qalstanyan da istintaqa cəlb olunan fiqurlar arasındadır.
20:08 20.06.2025
Oxunuş sayı: 11119
