Xameneyi: “ABŞ-nin reaksiyası İsrailin zəifliyinin göstəricisidir”
İranın ali rəhbəri Ayətullah Əli Xameneyi bölgədəki son gərginliklə bağlı açıqlama verib.
Crossmedia.az xəbər verir ki, o, “X” sosial şəbəkəsində yayımladığı paylaşımda ABŞ-nin reaksiyasını İsrailin zəifliyinin göstəricisi kimi qiymətləndirib.
Xameneyi İran xalqına ünvanladığı müraciətində səbirli və möhkəm olmağa çağırıb:
“Əgər düşmən sizin qorxduğunuzu hiss edərsə, sizdən əl çəkməz. Ona görə də indiyədək nümayiş etdirdiyiniz möhkəm iradəni davam etdirin və daha da gücləndirin”.
Ali rəhbər çıxışında Qurani-Kərimdən sitat da gətirib:
“Həqiqətən, qələbə yalnız Uca, Hikmət Sahibi Allahdandır” (Ali-İmran, 3:126). Aləmlərin Rəbbi mütləq şəkildə İran xalqına, haqqa və haqqın tərəfdarlarına qələbə nəsib edəcək”.
19:31 20.06.2025
Oxunuş sayı: 794
