Məhkəmələrində həbsə alternativ qətimkan tədbirləri olduqca az hallarda tətbiq olunur - MƏRUZƏ
Azərbaycan məhkəmələrində istintaq orqanın təqdimatları zamanı həbsə alternativ qətimkan tədbirləri olduqca az hallarda tətbiq olunur.
Crossmedia.az xəbər verir ki, bu barədə Azərbaycanda insan hüquqlarının qorunması haqqında Azərbaycanın insan hüquqları üzrə müvəkkilinin (Ombudsmanının) 2024-cü il üzrə məruzəsində qeyd olunub.
Məruzədə qeyd olunub ki, Ombudsman şəxsi cəmiyyətdən təcrid etmədən azadlıqdan məhrum etməklə əlaqədar olmayan cəzaların və həbsə alternativ qətimkan tədbirlərinin (ev dustaqlığı, girov, şəxsi zaminlik və s.) tətbiqi praktikasının genişləndirilməsini zəruri hesab edir:
“Həbsə alternativ qətimkan tədbirlərinin seçilməsi, istintaq hərəkətlərinin mümkün qədər qısa müddətdə yekunlaşdırılması, prokurorluq tərəfindən prosessual nəzarətin gücləndirilməsi, habelə azadlıqdan məhrumetməyə alternativ cəzalara üstünlük verilməsi penitensiar müəssisələrdəki sıxlıq probleminin aradan qaldırılmasına da müsbət təsirini göstərəcək”.
10:07 03.03.2025
Oxunuş sayı: 1693
