Tramp bu ölkələrə şirnikləndirici vədlər verir - AÇIQLAMA
Tramp Kanadanı 51-ci ştat etmək üçün ölkə əhalisinə vəd verib. Milad təbrikində Kanadanın Baş naziri Castin Trüdonu qubernator adlandırıb və bəyan edib ki, Kanada əraziləri ABŞ-nin 51-ci ştatı olarsa, kanadalılar üçün vergilər 60%-dən çox azalacaq. Bəs Trampın bu açıqlamasında məqsəd nədir? Bu, iki ölkə arasında gərginliyi artıra bilərmi?
Məsələ ilə bağlı politoloq Elşad Həsənov Crossmedia.az saytına açıqlamasında bildirib ki, artıq neçənci dəfədir ki, ABŞ-nin 47-ci prezidenti seçilmiş Tramp bildirir ki, Kanadanı 51-ci ştat edəcək, bununla da kanadalılar vergilərdən 60% azad olacaq və üstəlik gəlirləri də artacaq:
"Bu doğrudan da şirnikləndirici bir vəddir. Bir ölkəni Amerikaya qubernator kimi birləşdirmək məsələsi elə də asan deyil. Birincisi bu məsələ ilə bağlı yerli əhalinin rəyi öyrənilməlidir ki, onlar bunu istəyir mi, yoxsa Tramp oranı işğal edibmi özünə birləşdirir. Düzdür Kanadada hazırki Baş nazirə qarşı etirazlar var, o, özünün siyasətini düzgün aparmır və ona qarşı daxildən tənqidlər olunur, ancaq buna baxmayaraq, hər halda müstəqil bir dövlətdir və müstəqil dövləti də prezidentin fikri ilə ABŞ-yə birləşdirmək olmaz. Digər tərəfdən Trampın Qrenlandiyanı da ABŞ-yə birləşdirməyə cəhd göstərməsi, orada fikirlər səsləndirməsi, yenə də başqa bir ölkənin daxili işlərinə qarışmaqdır".
Həmçinin politoloq qeyd edib ki, bundan əlavə o, Panama kanalının da Amerikaya verilməsini istəyir:
"Halbuki Panamanın prezidenti o vaxt çıxış etdi və bildirdi ki, hər santimetr bizim üçün əzizdir, heç kəsə veriləsi deyil. Bunlar Trampın məsuliyyətsiz çıxışlarıdır, hesab edirəm ki, bu, hamı tərəfindən, xüsusilə, siyasilər tərəfindən rəğbətlə qarşılanmır, əksinə onun bu hərəkətlərinin ölkələr arasında münasibətləri pozmağa hesablandığı aydın görünür. Ona görə də, fikrimcə, bu davranışlar Kanada-Amerika münasibətlərinə heç də yaxşı vədlər vermir, əksinə ölkələr arasında münasibətlər gələcəkdə pozula bilər".
Gülşad İbrahimova
17:48 27.12.2024
Oxunuş sayı: 20800
