Bu halda dənizə girmək həyatınız bahasına başa gələ bilər - XƏBƏRDARLIQ
Milli Hidrometeorologiya Xidmətinin məlumatına görə, yaxın günlərdə ölkə ərazisində güclü külək əsəcəyi proqnozlaşdırılır. Fövqəladə Hallar Nazirliyinin dənizə girməyin təhlükəli olması barədə xəbərdarlığı fonunda vətəndaşların dənizdə təhlükəsizlik qaydalarına riayət etməsinin vacibliyi gündəmə gəlib. Mövzu ilə bağlı təhlükəsizlik məsələləri üzrə ekspert Elmar Nurəliyev Crossmedia.az-a açıqlama verib.
Ekspert bildirib ki, əlverişsiz hava şəraitində çimərliyə getmək birmənalı olaraq yolverilməzdir:
"Əlverişsiz hava şəraitində dənizə üz tutmaq birmənalı olaraq yolverilməzdir. Əgər küləyin sürəti saniyədə 10-12 metri keçirsə, vətəndaşlar çimərliyə getməkdən çəkinməlidirlər. Bu təhlükəsizlik qaydaları ümumiyyətlə həyati əhəmiyyət daşıyır və dünyanın bütün ölkələrində ciddi şəkildə tətbiq olunur. İnsanlar bu qaydalara mütləq şəkildə məsuliyyətlə approach göstərməlidirlər. Nəzərə almaq lazımdır ki, dənizdə boğulma hallarının böyük əksəriyyəti məhz havanın kəskin dəyişdiyi və əlverişsiz olduğu vaxtlarda baş verir".
E.Nurəliyev vurğulayıb ki, güclü dalğalar zamanı dənizə girmək və qeyri-çimərlik ərazilərdən istifadə etmək faciəyə gətirib çıxarır:
"Dənizdə güclü dalğalar olduğu zaman dərin yerlərdə, daşlıq və ya qayalıq ərazilərdə çimmək, saatlarla suda vaxt keçirmək təhlükəsizlik baxımından qətiyyən doğru deyil. İstirahətə yollanarkən ilk növbədə havanın necə olacağını nəzərə almaq lazımdır. Yalnız hava şəraiti imkan verdikdə və xüsusilə nəzarət olunan, xilasetmə xidmətinin fəaliyyət göstərdiyi, çimmək üçün rəsmi nəzərdə tutulmuş çimərliklərə getmək lazımdır".
Fatimə Cabbarlı
19:40 27.07.2026
Oxunuş sayı: 56
