Göyərçinlər yüzlərlə kilometr uzaqdan evlərini belə tapır
Göyərçinlərin uzun məsafələrdən belə öz yuvalarına qayıda bilməsi uzun illərdir alimlərin diqqət mərkəzindədir. Aparılan çoxsaylı araşdırmalar göstərir ki, bu quşlar istiqaməti müəyyən etmək üçün bir neçə fərqli üsuldan eyni vaxtda istifadə edirlər.
Crossmedia.az xəbər verir ki, göyərçinlər evlərinə yaxın ərazilərdə əsasən tanış orientirlərdən yararlanırlar. Onlar yolları, magistralları, çayları və digər tanış obyektləri yadda saxlayaraq həmin marşrutlarla hərəkət edirlər.
Lakin quşlar tanımadıqları ərazilərdən geri qayıdarkən başqa üsullara üstünlük verirlər. Alimlərin qənaətinə görə, göyərçinlər Günəşin və ulduzların mövqeyindən, həmçinin Yerin maqnit sahəsindən istiqamət müəyyən etmək üçün istifadə edirlər.
Araşdırmalara əsasən, göyərçinlərin dimdiyinin yuxarı hissəsində yerləşən xırda maqnit hissəcikləri onlara Yerin maqnit sahəsini hiss etməyə imkan verir. Bu təbii "naviqasiya sistemi" sayəsində onlar yüzlərlə kilometr uzaqdan belə evlərinin yolunu tapa bilirlər.
Nigar Xəlilli
20:58 20.07.2026
Oxunuş sayı: 64
