Azərbaycan-Özbəkistan əlaqələri yeni mərhələdə: İxrac gəlirləri artacaq, valyuta daxilolmaları çoxalacaq
Azərbaycanın qlobal miqyasda formalaşdırdığı enerji strategiyası artıq sadəcə xammal ixrac edən ölkə modelini geridə qoyaraq, beynəlxalq səviyyəli fəal investora və qlobal layihələrin aparıcı tərəfdaşına çevrilmək mərhələsinə qədəm qoyub. Prezident İlham Əliyevin Şuşa Qlobal Media Forumunda Azərbaycanın Özbəkistanın neft-qaz sektoruna yatırdığı sərmayələr və SOCAR-ın bu ölkədəki perspektivli kəşfiyyat fəaliyyəti barədə səsləndirdiyi fikirlər məhz bu strateji təkamülün ən bariz göstəricisidir. Bu addım təkcə coğrafi sərhədləri aşan bir iqtisadi tərəfdaşlıq deyil, həm də Türk dünyasının daxili inteqrasiyasını gücləndirən, regionun enerji xəritəsini yenidən formalaşdıran və Azərbaycanın suveren iqtisadi gücünü rəqabətədavamlı qlobal brendə çevirən tarixi bir vizyonun təzahürüdür.
Məsələnin əhəmiyyəti ilə bağlı neft məsələləri üzrə ekspert İlham Şaban Crossmedia.az-a açıqlama verib: "Prezident İlham Əliyevin Şuşa Media Forumunda Azərbaycanın Özbəkistanın neft-qaz sektoruna sərmayə yatırması ilə bağlı açıqlaması göstərir ki, ölkə mövcud enerji tərəfdaşlığını daha da dərinləşdirməyə çalışır. Yeni bazarlara çıxış ilk növbədə ixrac gəlirlərinin artması, valyuta daxilolmalarının çoxalması və dövlət büdcəsinin, eləcə də Dövlət Neft Fondunun gəlirlərinin güclənməsi baxımından mühüm əhəmiyyət daşıyır.
Eyni zamanda, Xəzərin o tayında SOCAR-ın fəaliyyəti Azərbaycanın qlobal enerji bazarlarındakı çoğrafiyanı genişləndirir, SOCAR-ın gəlirlərinin şacələndirilməsinə yol açır və ümumiyyətlə, ölkəmizin hər hansı bir bazardan asılılığını azaldır, eyni zamanda həmin ölkələrin enerji təhlükəsizliyində rolumuzu daha da möhkəmləndirir. Bu, təkcə iqtisadi deyil, həm də siyasi dividend yaradır, çünki ölkələr arasında qarşılıqlı münasibətlərin inkişafına yol açır".
Turqut Ansari
11:00 15.07.2026
Oxunuş sayı: 48
