ABŞ İranın raketlərini zərərsizləşdirib
ABŞ hərbçiləri İran tərəfindən Küveyt və Bəhreyn istiqamətində buraxılan bir neçə ballistik raketi ələ keçirib.
Crossmedia.az xəbər verir ki, bu barədə ABŞ Silahlı Qüvvələrinin ABŞ Mərkəzi Komandanlığı (CENTCOM) məlumat yayıb.
Bildirilib ki, İran ABŞ qüvvələrinin Hörmüz boğazı istiqamətində hərəkət edən dörd pilotsuz uçuş aparatını vurmasından bir neçə saat sonra yeddi ballistik raket buraxıb.
İlkin məlumatlara əsasən, raketlərdən altısı hava hücumundan müdafiə sistemləri tərəfindən zərərsizləşdirilib, yeddinci raket isə hədəfə çatmayıb.
CENTCOM həmçinin qeyd edib ki, Bəhreyndə yerləşən ABŞ Hərbi Dəniz Qüvvələrinin Beşinci Donanmasının qərargahına heç bir ziyan dəyməyib.
Zeynəb Həsən
11:12 06.06.2026
Oxunuş sayı: 50
