Sosial şəbəkələrin gənclərin həyatına və inkişafına təsiri - RƏY
Günümüzdə sosial şəbəkələr hər yaş qrupuna təsir etsə də, gənclərə təsiri daha çoxdur. Sosial şəbəkələrin həyatımıza təsir etməməsi qeyri-mümkündür. Hazırkı dövrdə zamanımızın çox hissəsi sosial şəbəkədə keçir. Gənclərimiz sosial şəbəkədən düzgün istifadə etməyi bacarmalıdır. Sosial şəbəkədən düzgün istifadə etməmək mənfi nəticələr yarada bilər. Bəs bu mənfi nəticələr nələrdir?
Mövzu ilə bağlı psixoloq Nabat Mirzəyeva Crossmedia.az-a danışıb.
O bildirib ki, gənclərin bir çoxu sosial şəbəkədə zamanlarını boşuna sərf edir:
“Heç bir məqsəd olmadan yaradılan ünsiyyət ,onlayn oyunlar, başqalarının həyatını izləmək gənclərin şəxsi inkişafına ayıracağı zamana mane olmağa başlayır. Gənclərin sosial şəbəkədə çox vaxt keçirməsi onların mənəviyyatına, işinə, təhsilinə mənfi təsir edir. Sosial şəbəkədə çox vaxt keçirmək onların gələcək həyatında qazanacağı uğurlara belə təsir edir. Gənclər özləri öz zamanlarını əllərindən alır və ən böyük problem zamana müdaxilədədir”.
Psixoloq problemin həll yolundan da söz açıb:
“Gənclər sosial şəbəkədə çox vaxt keçirmək əvəzinə, ailələri və sevdikləri insanlarla zaman keçirə, öz inkişaflarına vaxt ayıra bilərlər. Sosial şəbəkədən sərfəli istifadə etmək də problemin həll yollarından biridir”.
Bahar Musayeva
16:12 06.12.2024
Oxunuş sayı: 19756
