Avtobuslarda gediş haqqı məsafədən asılı olmamalıdır - Ekspert rəyi
Bəzi şəxslər avtobuslarda gediş haqqının məsafədən asılı olmayaraq eyni olmasından şikayətlənirlər. Məsafədən asılı olmayaraq eyni ödənişi ödəyirlər. Söhbət paytaxt ərazisində, həmçinin qəsəbələrarası fəaliyyət göstərən avtobuslardan gedir. Avtobus sürücüləri isə deyirlər ki, tənzimlənən qiyməti dəyişmək mümkün deyil.
Məsələ ilə bağlı Nəqliyyat məsələləri üzrə ekspert Aslan Əsədov Crossmedia.az-a açıqlamasında bildirib ki, avtobuslarda qiymətlərin fərqli olmasına vətəndaşlar tərəfindən yaxşı münasibət bildirilmir:
"Həqiqətən də elə məsafələr var ki, yaxındır və bu adətən məktəblilər üçün, yaxud yaxın ərazidə qalan şəxslər üçün şamil edilir. Uzaq məsafəyə gedən şəxslə yaxın məsafəyə gedən şəxsin qiymət fərqinin olmaması təbii ki birmənalı qarşılanmır. Biz, insanlar tərəfindən bunu başa düşülən kimi qəbul edirik. Elə məsələnin əsas mahiyyəti də budur".
Həmçinin ekspert qeyd edib ki, digər bir səbəb isə ümumiyyətlə avtobusların idarə olunması zamanı qiymət tarifinin düzgün seçilməməsi ilə bağlıdır:
"Bəzi şəxslər ümumi olaraq qiymətlərin düzgün təyin edilməməsi ilə bağlı narazılıqlarını bildirirlər. Burada digər bir məsələ isə nəqliyyat vasitələri idarə olunan zaman gediş haqlarının proqramlaşma setindən asılı olaraq seçilməsidir. Bu, elə proqramlaşdırılır ki, şəxs vasitəsilə qəbul edildikdə o ödəniş adi halda qəbul oluna bilər, məsələn, şəhər-qəsəbə daxili 50 qəpik, qəsəbə xarici 60 qəpik. Şəxs olaraq yəni kanduktor kimi tanıdığımız və yaxud sürücünün özü bu vəsaiti nəzərə alır, amma proqramlaşdırmada bu nəzərə alınmır, ona görə də elə proqramlaşdırılırki heç bir güzəştdən söhbət getmir və ya gedə bilməz. Bu da məsələdən narazılıq yaradan səbəblərdən demək olar ki ən başlıcasıdır".
Gülşad İbrahimova
15:21 06.12.2024
Oxunuş sayı: 19016
