ABŞ TRİPP marşrutu ilə bağlı öz payının bir hissəsini Azərbaycana sata bilər - TƏKLİF
Son zamanlar TRİPP marşrutu məsələsi ciddi müzakirə olunur. Bu layihənin perspektivləri barədə danışılmaqla yanaşı, həm də müəyyən dəyişiklilər təklif olunur. Təklif olunur ki, TRİPP ABŞ marşrutla bağlı öz payının 25 faizini Azərbaycana satsın.
Bu təklif barədə politoloq Natiq Miri Crossmedia.az-la öz fikirlərini bölüşüb: "Bu, müzakirə predmeti ola bilər. Hər halda Azərbaycanın maraqlarını ifadə eədn təklifdir. Yüzlərlə kilometr ərazinin həm avtomobil, həm də dəmir yolu layihəsini Azərbaycan təkbaşına öz maliyyəsi ilə inşa edir. Qırx dörd kilometrlik ərazidə Azərbaycana iyirmi beş faizlik pay ayrılması həm ədalətli olar, həm də layihənin və infrastrukturun dayanıqlığını təmin edər".
Ekspert həmçinin vurğulayıb ki, geosiyasi baxımdan bu addım Rusiya kimi qonşu dövlətlərin layihəyə müdaxiləsinin qarşısını ala bilər. “Əgər, həqiqətən də, ABŞ-nin 76%-lik payından 25%-i Azərbaycana verilsə, artıq Rusiyanın iştirakı üçün lüzum qalmır. Bu, region layihəsi üçün əhəmiyyətli bir dinamika yarada bilər".
10:55 11.02.2026
Oxunuş sayı: 562
