Bağçalarda sertifikasiya imtahanlarının təşkili: keyfiyyətin artırılması yolunda vacib addım
Elm və Təhsil naziri Emin Əmrullayev qeyd edib ki, bağçalarda sertifikasiya imtahanı keçiriləcək.
Sertifikasiya prosesi tərbiyəçilərin peşəkarlıq səviyyəsinin yoxlanılmasına, daha yüksək standartların tətbiqinə və uşaqların inkişafı üçün daha keyfiyyətli təlim-tərbiyə mühitinin yaradılmasına xidmət edəcək. Lakin bunun nə dərəcədə faydalı olacağı və bağça sisteminə necə təsir göstərəcəyi cəmiyyətdə müzakirə mövzusudur.
Mövzu ilə bağlı təhsil eksperti Elçin Əfəndiyev Crossmedia.az saytına açıqlamasında bildirib:
"Emin Əmrullayev bu fikrində haqlıdır. Biz dəfələrlə həyəcan təbili çalırdıq ki, məktəbəqədər təhsil pilləsini mütləq inkişaf etdirməliyik. Çünki uşaqların təməl bilikləri məhz məktəbəqədər təhsil pilləsində qoyulur. Nəzərə alsaq ki, ibtidai təhsil pilləsi ən strateji təhsil pilləsidir, burada uşaqlar nə qədər şəxsiyyət yönümlü yetişərlərsə, növbəti təhsil pillələrində biz tədris prosesi ilə bağlı çətinliklərlə üzləşmərik.
Amma təəssüf ki, günümüzün reallığı ondan ibarətdir ki, vaxtilə yoldan keçənləri gətirib bağçada müəllim etdilər. Fərqli ixtisas bitirən insanlar bağçalarda müəllim kimi işləməyə başladılar. Yaxud saxta diplomla işləyən bağça müəllimləri var. Belə olduğu halda əlbəttə ki, biz təhsil pilləsinin ən strateji pilləsindən başlamalıyıq. Burada müvafiq ixtisas sahiblərini, peşəkar ixtisas sahiblərini prosesə cəlb etməliyik ki, növbəti təhsil pillələrində çətinliklə üzləşməyək."
Ayhan Ağarzayev
09:43 04.12.2024
Oxunuş sayı: 22410
