Dövlət qulluğuna qəbul imtahanlarında sual kitabçaları niyə verilmir?
Dövlət qulluğuna qəbul imtahanları, hər il yüzlərlə namizədin iştirak etdiyi və böyük əhəmiyyət kəsb edən bir prosesdir. Bu imtahanlarda iştirak edən şəxslər müxtəlif inzibati-icraçı vəzifələrə təyinat almaq məqsədilə sınaqdan keçir. İmtahanların keçid balı, apellyasiya prosesi və sual kitabçalarının verilməsi ilə bağlı məsələlər namizədlərin uğur qazanmasında mühüm rol oynayır.
Mövzu ilə bağlı Crossmedia.az-a açıqlama verən təhsil eksperti Rizvan Fikrətoğlu namizədlərin dövlət qulluğuna qəbul imtahanlarında qarşılaşılaşdıqları bəzi problemlərə və onların həlli yollarına toxunub:
"3338 adam dövlət qulluğuna qəbul üçün sənəd verib. Burada BB, BA imtahanı hər iki qrup inzibati-icraçı vəzifələr üzrədir. Hər üç nəfərdən təxminən biri imtahandan keçmiş sayılır. Apellyasiya prosesi odur ki, A namizədin burada müəyyən problemləri var. Namizədə sual kitabçaları verilmir və namizədin sualı yadından çıxarmaq ehtimalı var. Yaxşı olar ki, sual kitabçası verilsin. Bu olarsa, DİM deyəcək ki, mənim bazamda suallar azdır. Amma nəzərə almaq lazımdır ki, namizəd imtahana pul ilə girir. 82 manat BB, 94 manat isə BA üçün verir. Az pul deyil və şəxslərin də sayı az deyil. Yeni suallar tərtib edilməlidir və kitabça verilməlidir. Burada kitabça verilmədiyinə görə namizəd apellyasiyada sualı yadda saxlaya bilmir və bu da çox vaxt namizədin xeyrinə olmur. Əgər sualın səhv olması aşkar edilərsə, təbii ki, burada apellyasiya namizədin xeyrinə qərar qəbul edir. Buna şübhə yoxdur".
Ekspert yüksək alt qrup üzrə keçən namizədin digər alt qrup üzrə imtahan verə bildiyini qeyd edib. Eləcə də test imtahanından uğurla keçə bilməyən namizədlərin atmalı olduqları addımdan da danışıb:
"Məsələn, BA1 üzrə keçən namizəd BA1, BA2, BA3, BA4 üzrə vəzifələrin müsahibə mərhələsində iştirak edə bilir. Yəni, hansısa altqrup üzrə sertifikat alan şəxs, digər altqrupların müsahibələrinə qatıla bilir.
Test imtahanından keçə bilməyən namizədlər növbəti test imtahanına hazırlaşmalıdırlar. BB üzrə 100 baldan 65 keçid balıdır. BA üzrə isə 120 baldan 84 keçid balıdır. Namizəd bu bal şərtlərini ödəməyibsə, növbəti imtahana hazırlaşmalıdır".
Banuçiçək Kalbalıyeva
07:40 04.12.2024
Oxunuş sayı: 25710
