Kahramanmaraş zəlzələsinin üç illiyi: "Azərbaycan məhəlləsi" tamamlandı
2023-cü il fevralın 6-da Türkiyənin Kahramanmaraş vilayəti və ətraf bölgələrində baş vermiş dağıdıcı zəlzələdən artıq üç il ötür.
Crossmedia.az xəbər verir ki,7,7 və 7,6 maqnitudalı zəlzələlər nəticəsində 53 537 nəfər həyatını itirib, 107 000-dən çox insan yaralanıb. Fəlakət 11 vilayəti, 124 rayonu və təxminən 7 000 yaşayış məntəqəsini əhatə edib, birbaşa olaraq təxminən 14 milyon insan təsirlənib. Türkiyə hakimiyyəti bu hadisəni "əsrin fəlakəti" adlandırıb.
Həlak olanlar arasında dörd azərbaycanlı tələbə də var. Azərbaycanın Fövqəladə Hallar Nazirliyi hadisə yerinə xilasedicilər göndərib, ölkə vətəndaşları isə qardaş xalq üçün maddi və humanitar dəstək göstərib.
Bərpa işləri çərçivəsində Kahramanmaraşda "Azərbaycan məhəlləsi" inşa edilib. Layihə 12 noyabr 2025-ci ildə tamamlanıb: 320 hektar sahədə 1 323 yaşayış obyekti tikilib, 799 iş yeri yaradılıb, Heydər Əliyev adına məktəb və müasir mədəniyyət evi inşa olunub.
Nigar Yahyazadə
12:43 06.02.2026
Oxunuş sayı: 430
