Sosium

İşğaldan azad edilmiş ərazilərdə bələdiyyələr yaradılacaq - Açıqlama

İşğaldan azad edilmiş ərazilərdə yerli idarəetmənin təşkili ilə bağlı yeni yanaşma irəli sürülüb. Bu çərçivədə həmin ərazilərdə növbəti yerli özünüidarəetmə orqanlarına keçiriləcək seçkilərədək bələdiyyələrin yaradılması imkanları müzakirə olunub ki, bu da bölgələrdə institusional idarəetmənin formalaşdırılması baxımından mühüm addım kimi qiymətləndirilir.

Məsələ Milli Məclisin Regional məsələlər komitəsinin iclasında gündəmə gətirilib və qeyd olunub ki, artıq torpaqların işğaldan azad edilməsi bələdiyyələrin fəaliyyətə başlaması üçün hüquqi və praktiki əsaslar yaradıb və bu istiqamətdə atılacaq addımlar azad olunmuş ərazilərdə yerli özünüidarəetmənin bərpasına xidmət edəcək.

Məsələ ilə bağlı hüquq müdafiəçisi Sahib Məmmədov Crossmedia.az-la öz fikirlərini bölüşüb: "İşğaldan azad olunmuş ərazilərədə, əlbəttə, əhali tam məşkunkaşdıqdan sonra bələdiyyələrin yaradılması mümkündür. Buna konstitusiya da yol verir. Düzdür, ola bilər, müəyyən yeni formada təşkil olunsun bir neçə inzibati ərazi vahidi birləşərək olsun, amma qeyd etdiyim kimi birinci şərt orda əhalinin olmasıdır ondan sonra bəli bu reallaşacaq".

Elmir Heydərli

🖨 Çap et

14:52 19.01.2026

Oxunuş sayı: 1537