İran yüksək rütbəli generallar və dövlət rəsmiləri üçün xüsusi təhlükəsizlik tədbirləri görür
İran tərəfi bütün yüksək rütbəli generallara və dövlət rəsmilərinə yaxın günlərdə iş yerlərində olmamaq və rəsmi qurumlara gəlməmək barədə göstəriş verib. Bu barədə Al Maidan məlumat yayıb.
Crossmedia-az xəbər verir ki,fövqəladə təhlükəsizlik tədbirləri çərçivəsində hər bir dövlət məmuru üçün ən azı iki əvəzedici şəxs təyin edilib. Eyni zamanda, rəsmi şəxslərə rabitə sistemlərindən istifadənin müvəqqəti dayandırılması tapşırılıb.
Bundan əlavə, İranın nüvə proqramı ilə bağlı çalışan alimlərin xüsusi qorunan bunkerlərə yerləşdirildiyi bildirilir. Mənbə qeyd edir ki, görülən tədbirlər mümkün təhlükəsizlik risklərinin qarşısının alınmasına yönəlib.
Qeyd edək ki, regionda artan gərginlik fonunda İranın bu addımları təhlükəsizlik səviyyəsinin yüksəldilməsi kimi qiymətləndirilir və beynəlxalq ictimaiyyət tərəfindən diqqətlə izlənilir.
20:03 04.01.2026
Oxunuş sayı: 3878
