ADNSU tələbəsinin "TourMap" layihəsi həyata keçirilib
Azərbaycan Dövlət Neft və Sənaye Universitetin tələbəsi Salimli Zakir tərəfindən Azərbaycan Respublikası Gənclər Fondunun maliyyə dəstəyi, "Süni intellektdən istifadə edərək tövsiyələrlə interaktiv səyahət xəritəsi" layihəsi həyata keçirilib.
Crossmedia.az xəbər verir ki, layihə Azərbaycan Respublikasının Gənclər Fondunun "Rəqəmsal" mövzulu qrantının qaliblərindən biri olub.
Layihənin əsas məqsədi ölkənin müxtəlif regionlarını, şəhərlərini və turizm məkanlarını vahid rəqəmsal platformada birləşdirərək gənclər və istifadəçilər üçün daha əlçatan, müasir və məlumatlı turizm ekosistemi yaratmaqdır. Platforma vasitəsilə istifadəçilər müxtəlif şəhərlər, tarixi abidələr, muzeylər, təbii görməli yerlər və mədəni məkanlar haqqında ətraflı məlumat əldə edə, bu məkanların tarixçəsi, ünvanı, iş saatları və digər vacib detallarla tanış ola bilirlər.
Platforma istifadəçilər üçün qeydiyyat və giriş imkanları təqdim edir, şəxsi hesab üzərindən fərdi seçimlərin idarə olunmasına şərait yaradır. Sayt çoxdilli dəstək (Azərbaycan, rus və ingilis dilləri) ilə fəaliyyət göstərir və istifadəçilər interfeysi istədikləri dilə uyğun dəyişə bilirlər. Platformada şəhərlər və turizm məkanları üzrə geniş kataloq mövcuddur, məkanlar kateqoriyalar üzrə strukturlaşdırılıb və axtarış, filtrasiya sistemləri vasitəsilə rahat şəkildə tapıla bilir.
17:41 20.12.2025
Oxunuş sayı: 1729
