"Redmi" yeni modelini təqdim etdi
Texnologiya dünyasında uzun müddətdir müzakirə edilən "Redmi K80" seriyası yaxın vaxtda satışa çıxarılacaq. Rəsmi təqdimatdan öncə isə bu cihazların rəsmi mətbuat şəkilləri paylaşıldı.
"Redmi", "K80" seriyasının 27 noyabrda Çində təqdim olunacağını elan edib. Bu seriyada məşhur Çinli stolüstü tennis oyunçusu Fan Zhendonq ilə əməkdaşlıq edildiyi bildirilib. Yeni seriya "Redmi K80" və "Redmi K80 Pro" modellərindən ibarətdir, lakin keçən ilin "K70e" modelinə davam kimi bir "K80e" modeli olmayacaq.
"Redmi K80" seriyası, ötən ilki "K70" seriyasından tamamilə fərqli bir dizayna malikdir. Cihazlarda "Civi" seriyasını xatırladan yuvarlaq kamera modulu diqqət çəkir. Bu kamera modulunda üfüqi bir LED flaş və üç kamera yerləşdirilib. Telefonların ön dizaynı hələ rəsmi olaraq paylaşılmayıb, lakin hər iki modelin də düz ekranla təchiz ediləcəyi bildirilib.
Çinli bir pərakəndə satış platformasında yayımlanan şəkillər "K80" seriyasının rəng seçimlərini də göstərib. "Redmi K80" boz, mavi, yaşıl və qara rənglərdə təqdim olunacaq. "K80 Pro" isə boz, yaşıl və qara rənglərlə satışa çıxarılacaq. Bütün modellərdə iki tonlu dizayn seçilərək cihazların estetik görünüşü gücləndirilib. Şəkillərdən görünür ki, "K80" modelində iki kamera, "K80 Pro" modelində isə üçlü kamera sistemi olacaq. Həmçinin, "K80 Pro" üçün xüsusi bir versiyanın – məsələn, "Lamborghini" temalı bir modelin təqdim edilə biləcəyi bildirilir, lakin bu məlumat hələ dəqiqləşməyib.
"Redmi K80" seriyası, "iQOO Neo 10" və "iQOO Neo 10 Pro" modelləri ilə rəqabət edəcək. "iQOO Neo 10" modeli "Snapdragon 8 Gen 3", "Neo 10 Pro" isə "Dimensity 9400" çipsetinə malik olacaq. "Redmi" tərəfində isə "K80" modeli "Snapdragon 8 Gen 3", "K80 Pro" isə "Snapdragon 8 Elite" prosessoru ilə istifadəçilərin qarşısına çıxacaq. Yeni modellər həm texniki xüsusiyyətləri, həm də dizaynları ilə diqqət mərkəzindədir.
Sevinc Abuşova
11:53 22.11.2024
Oxunuş sayı: 11111
