Neft-qaz
Azərbaycan neftinin ucuzlaşması büdcəyə necə təsir edəcək?
Dünya bazarında “Azeri Light” markalı Azərbaycan neftinin 1 barelinin qiyməti 0,02 ABŞ dolları və ya 0,03 faiz azalaraq 65,08 ABŞ dolları olub. Ümumiyyətlə, neftin qiyməti stabil deyil və tez- tez dəyişir. Bu isə dinamikadan asılı olaraq insanları ya sevindirir, ya da narahat edir.
Neftin ucuzlaşması müəyyən ajiotaj yaradıb.
Neft araşdırmalar mərkəzinin rəhbəri İlham Şaban Crossmedia.az-a açıqlamasında baş verənlərə aydınlıq gətirib:
“Məsələn belə izah edək, siz gəlirsiniz supermarketə, görürsünüz ki, dünən 20 manata satılan hansısa bir mal bu gün 19 manat 98 qəpiyə qoyulub. Və siz gedirsiniz bütün qohum-qonşulara deyirsiniz ki, artıq ucuzlaşma baş verib. Soruşulanda deyirsiniz ki, bu gün iki qəpik qənaət etdim. Dördüncü rüb başlayandan neftin orta qiyməti 64 dollar ətrafında stabilləşib. İki qəpik yuxarı, ya aşağı olmasının nəyəsə ciddi təsiri yoxdur. Əsas məsələ odur ki, cari ilin sonunda neftin qiyməti 70 dolların altında, təxminən 69 dollara yaxın proqnozlaşdırılıb. Bu da Azərbaycanın cari il üçün büdcəsində proqnoz edilən qiymətə çox yaxındır. Dövlət Statistika Komitəsinin məlumatlarından, eləcə də Milli Bankın açıqlamalarından da görürük ki, büdcədə hələlik kəsir yoxdur.”
Fatimə Eynullazadə
20:14 12.11.2025
Oxunuş sayı: 1936
