Blogerlər üçün ən yaxşı yaxa mikrofonu hansıdır?
Blogerlər üçün uyğun yaxa mikrofonunu seçmək səs keyfiyyətini artıraraq izləyici təcrübəsini yaxşılaşdırmaq baxımından böyük əhəmiyyət daşıyır. Bazarda çox sayda seçim mövcuddur, lakin uzun illər problem yaratmadan istifadə edilə bilən modellərə yönəlmək daha məqsədəuyğundur. Bəs məzmun yaradıcıları üçün ən yaxşı yaxa mikrofonu modelləri hansılardır?
"Hollyland Lark M2 Combo"
Siyahımızın ilk sırasında "Hollyland Lark M2 Combo" modeli dayanır. Bu mikrofon cəmi 9 qram ağırlığa malikdir və daşına bilən dizaynı ilə fərqlənir. Bundan əlavə, tənzimlənə bilən ətraf səs-küyün ləğvi (ENC) funksiyası sayəsində ev, ofis və ya açıq hava mühitlərində yüksək keyfiyyətli səs təmin edir.
Cihazda fasiləsiz 10 saatlıq istifadə müddəti təklif olunur. Həmçinin, LDS (Lazer Doğrudan Konfiqurasiya) antenası vasitəsilə hər hansı bir fasilə olmadan səsi ötürə bilir. 300 metrə qədər məsafə dəstəkləyən mikrofon studiya keyfiyyətində 48kHz/24bit Hi-Fi səs, 70dB siqnal-səs-küy nisbəti və 115dB maksimal səs təzyiq səviyyəsi ilə istifadəçilərin qarşısına çıxır.
"Godox MoveLink II M2"
Siyahımızdakı digər məhsul "Godox MoveLink II M2" modelidir. "Hollyland Lark M2 Combo" kimi daşına bilən mikrofon, 100 metrlik məsafə ilə istifadəçilərə xidmət edir. Bundan əlavə, TFT ekranlar sayəsində sistemin aktivləşdirilməsi, səs səviyyəsinin artırılıb-azaldılması və digər idarəetmələr asanlıqla həyata keçirilə bilər.
İki nəfərin eyni vaxtda qeyd aparmalı olduğu vəziyyətlərdə cihazın iki kanallı sistemi istifadə edilə bilər. Bundan əlavə, mono/stereo rejimləri vasitəsilə iki səs parçasını birləşdirmək və ya ayırmaq mümkündür. Şarj məsələsində də rahatlıq təmin edən mikrofon, Type-C kabeli ilə iki ötürücünü və bir qəbuledicini eyni anda şarj etməyə imkan verir.
Tam şarjla ötürücüsü 10 saat, qəbuledicisi isə 8 saat fasiləsiz işləyə bilir. 50Hz-20KHz geniş tezlik diapazonu və 120dB maksimal səs təzyiq səviyyəsi ilə diqqət çəkir
"Rode Wireless Go II"
Məhdudiyyətləri aşmaq istəyənlər üçün "Rode Wireless Go II" önəmli bir seçim ola bilər. İki nəfərlik istifadə üçün yüksək keyfiyyətli təcrübə təqdim edən mikrofon, 200 metr məsafə dəstəyi ilə diqqət çəkir. Bundan əlavə, sistem haqqında məlumat verən LCD ekran ilə təchiz olunub.
3,5-4 ms arasında aşağı gecikmə müddətinə sahib olan bu cihaz, eyni anda iki ötürücünü idarə edə bilən iki kanallı sistem ilə gəlir.
"DJI Mic 2"
"DJI Mic 2" modeli yüksək keyfiyyətli səs yazısı, ağıllı səs-küyün ləğvi və 32-bit float daxili qeyd dəstəyi kimi zəngin xüsusiyyətlər təklif edir. Gözlənilməz səs artımlarına qarşı qoruma təmin etmək üçün əsas səs parçasına əlavə olaraq -6dB səviyyəsində ikinci bir səs parçası da yazıla bilir.
1,1 düymlük OLED toxunma ekranı vasitəsilə səs və batareya səviyyəsi kimi məlumatları asanlıqla izləməyə imkan verir. Ötürücüləri 14 saata qədər sıxılmamış 48kHz 24bit səs saxlaya bilir. Bundan əlavə, 8 GB yaddaşa malik olduğunu qeyd etmək lazımdır. 18 saat batareya ömrü və 32-bit float daxili qeyd dəstəyi kimi bir çox xüsusiyyətə sahibdir.
Emil Nağızadə
11:59 21.11.2024
Oxunuş sayı: 13441
