"One UI 7 beta" üçün sevindirici inkişaf
"Samsung" "Android 15" əsaslı "One UI 7" interfeys yeniləməsindəki gecikmələr səbəbiylə bir müddət tənqid hədəfi olsa da , bu vəziyyət dəyişməyə başlayıb. Son inkişaflar markanın beta prosesi üçün kritik addımlar atmağa başladığını göstərir.
Noyabrın 18-də "Galaxy S24" seriyası üçün "One UI 7 beta" hazırlıqlarına başlayan "Samsung", yaxın günlərdə digər modelləri üçün də oxşar prosesə girəcək. Bu kontekstdə markanın serverlərində "Galaxy A35" üçün "Android 15 beta" proqramı aşkar edilib.
Cənubi Koreya brendi beta prosesini bu ilin sonuna qədər tamamlamağı hədəfləyir. Stabil versiyanın böyük ehtimalla "Galaxy S25" seriyası ilə birlikdə çıxacağını söyləyə bilərik. Həmçinin unutmayın ki, cihazınız şirkətin proqram dəstəyinə daxildirsə, məhdud sayda modellərlə beta testində iştirak edib-etməməsindən asılı olmayaraq, o, "Android 15" əsaslı "One UI 7" yeniləməsini alacaq.
Beta yeniləməsini Galaxy S24, Galaxy S24+, Galaxy S24 Ultra, Galaxy S24 FE, Galaxy S23, Galaxy S23 Ultra, Galaxy S23 FE, Galaxy S22 Ultra, Galaxy 22+, Galaxy S22, Galaxy S21, və digər modellərində olacağı gözlənilir.
Tərlan Əmrahova
06:29 20.11.2024
Oxunuş sayı: 12241
