"Google Docs" süni zəka ilə daha bacarıqlı olacaq
"Microsoft Word"ün ən böyük rəqibi olan "Google Docs" süni zəka ilə tezliklə daha bacarıqlı hala gələcək. Yeni yeniləmə detallarına görə "Google", "Gemini Imagen 3" süni zəka sistemini "Google Docs" platformasına inteqrasiya edəcək.
"Google", "OpenAI" tərəfindən başladılan süni zəka inqilabına ən sürətlə uyğunlaşan şirkətlərdən biridir. Buna baxmayaraq, texnologiya nəhəngi rəqiblərinə nisbətən bu mövzuya gec qoşulub. "Microsoft" artıq süni zəkanı öz əməliyyat sisteminə belə inteqrasiya edib. "Google" isə "Google Docs" üçün "Gemini Imagen 3" süni zəka sistemini təqdim etməyə hazırlaşır.
"Gemini Imagen 3" nədir?
"Gemini Imagen 3" süni zəka aləti, vizual məzmun yaratmaq üçün "Google Docs" ilə inteqrasiya ediləcək. Bildiyiniz kimi, "Google Docs" həm onlayn, həm də oflayn rejimdə işləyə bilir. Üstəlik, bu platforma hazır şablonlara da malikdir.
Sunum və ya müxtəlif sənədlər hazırlayarkən mövzuya uyğun vizual tapmaq həmişə asan olmur. Lakin artıq "Gemini Imagen 3" vasitəsilə mövzuya uyğun vizualları süni zəka ilə yaratmaq mümkün olacaq.
Tıpkı "Midjourney" və ya "DALL-E 3" kimi süni zəka ilə şəkil yaradan alətlərə bənzəyən "Gemini Imagen 3", "Google Docs" ilə tam inteqrasiya olunacaq. İstifadəçilər, "Google Docs"-da "şəkil əlavə et" bölməsindən bu alətə çıxış əldə edə biləcəklər.
Yeni menyu və ödənişli xidmətlər
Ortaya çıxan məlumatlara görə, menyuda "Şəkil yaratmağa kömək et" adlı seçim olacaq. Bu seçim vasitəsilə istədiyiniz üslubda şəkillər yaratmaq mümkün olacaq. Lakin, "Google Docs"-a daxil edilən "Gemini Imagen 3" süni zəka aləti təəssüf ki, pulsuz olmayacaq.
Bu xüsusiyyətdən yararlanmaq üçün istifadəçilər "Gemini Business", "Gemini Enterprise", "Gemini Education", "Education Premium" və ya "Google One AI Premium" abunəliyinə sahib olmalıdırlar.
Emil Nağızadə
11:44 18.11.2024
Oxunuş sayı: 10163
