Valideynlər övladlarının nevroloji problemlərinin olduğunu necə müəyyənləşdirə bilərlər?- Həkimdən izah
Uşaq nevrologiyası yeni doğulmuş dövrdən 18 yaşına qədər uşaqlarda baş beyin, onurğa beyni, sinir və əzələ sisteminin xəstəlikləri ilə məşğul olur. Valideynlər bəzən nevroloji problemləri vaxtında müşahidə etməkdə çətinlik çəkə bilirlər. Buna görə də nevroloqun əsas vəzifələrindən biri uşağın nevroloji inkişafını mərhələ-mərhələ izləməkdir.
Bu fikirləri Crossmedia.az-a geniş müahibəsində həkim, uşaq nevropotoloqu Elşən Qarayev deyib.
O bildirib k, normalda uşaq zaman keçdikcə danışmaq, yerimək, sosial bacarıqlar qazanmaq kimi inkişaf mərhələlərini keçir: Əgər bu ardıcıllıqda ləngimə və ya geriləmə olarsa, nevroloq həmin problemi erkən aşkar etməli və müdaxilə etməlidir. Valideynlər üçün əsas siqnallar – uşağın yaşıdlarından gec danışması, gec yeriməsi və ya hərəkətlərində geriləmə müşahidə olunmasıdır. Bundan əlavə, müayinələr zamanı biz patoloji refleksləri və ya yaşına uyğun olmayan davranışları müəyyənləşdiririk. Nevroloji problemlərin əsas səbəbləri isə daha çox hamiləlik dövründə yaranır. Məsələn, anada şəkər, qalxanabənzər vəzin xəstəlikləri, yüksək təzyiq, infeksiyalar və ya zərərli vərdişlər dölün beyninin zədələnməsinə səbəb ola bilər. Həmçinin doğuş zamanı yaranan çətinliklər və ya körpənin beyin infeksiyası keçirməsi də nevroloji fəsadlara yol aça bilər. Belə uşaqlar mütləq nevroloqun davamlı nəzarətində olmalıdır”.
Elmir Heydərli
Müsahibənin tam versiyasını aşağıdakı linkdən oxuya bilərsiniz:
https://crossmedia.az/az/article/48569
20:02 04.10.2025
Oxunuş sayı: 8179
