"ACWA Power" Xızı-Abşeron külək elektrik stansiyasının istismara veriləcəyi tarixi açıqladı
Dünyada elektrik stansiyaları, suyun duzdan təmizlənməsi qurğuları və “yaşıl” hidrogen layihələrinin əsas tərtibatçılarından və operatorlarından biri olaraq, “ACWA Power “ beynəlxalq şirkəti Azərbaycandakı fəaliyyətini aktiv şəkildə genişləndirir.
Crossmedia.az xəbər verir ki, bunu ACWA Power-in biznesin inkişafı üzrə direktoru Polina Lyubomirova Bakıda keçirilən Azərbaycan və Mərkəzi Asiya Yaşıl Enerji Həftəsində (Azerbaijan & Central Asia Green Energy Week 2025) çıxışında deyib.
“Şirkət 2025-ci ilin dekabr ayında 240 meqavat gücündə Xızı-Abşeron külək elektrik stansiyasını işə salmağa hazırlaşır – bu, ölkənin bu tipli ən iri layihəsidir, üstəlik regionun ən mühüm layihələrindəndir”,- deyə o bildirib.
12:31 25.09.2025
Oxunuş sayı: 3034
