KazMunayQaz Bakı-Tbilisi-Ceyhan marşrutu ilə neft ixracını bərpa edib
Qazaxıstanın “KazMunayQaz” milli şirkəti Bakı-Tbilisi-Ceyhan (BTC) boru kəməri sistemi ilə neft ixracını bərpa edib.
Crossmedia.az xəbər verir ki, bu barədə şikərtin mətbuat xidməti məlumat yayıb.
“Sentybarın 13-də Aktau limanından Bakı-Tbilisi-Ceyhan istiqamətində 8,8 min ton Kaşaqan nefti yüklənərək göndərilib, növbəti yüklənmə sentyabrın 20-ə planlaşdırılır”, - məlumatda qeyd olunur.
Xatırladaq ki, cari ilin avqust ayında bu marşrutla nəql dayandırılmışdı.
2025-ci ilin 8 ayı ərzində BTC istiqamətinə nəql olunan Qazaxıstan neftinin həcmi 0,9 milyon ton təşkil edib.
2022-ci ildə KMG ilə Azərbaycanın Dövlət Neft Şirkəti SOCAR arasında Qazaxıstan neftinin tranziti barədə saziş imzalanıb.
2024-cü ildə isə KMG və SOCAR Azərbaycan Respublikası ərazisindən keçməklə neft tranzitinin mərhələli şəkildə artırılması barədə razılığa gəliblər.
15:19 17.09.2025
Oxunuş sayı: 1104
