Azad edilmiş ərazilərin qazlaşdırılması üzrə görülən işlər açıqlanıb
Hazırda Cəbrayıl rayonu Xudafərin qəsəbəsində yeraltı daşıyıcı qaz kəmərlərinin tikintisi işləri davam etdirilir. Qəsəbənin daşıyıcı qaz kəmərinin 25,9 km hissəsi çəkilib. İşlər 91% icra olunub.
Bu barədə Crossmedia.az Azərbaycan Dövlət Neft Şirkətinin (SOCAR) 2024-cü ilin hesabatına istinadən xəbər verir.
Məlumata görə, Kəlbəcər rayonunun Zar kəndində daşıyıcı qaz kəmərinin çəkilməsi üçün 11 425 metr polietilen yeraltı daşıyıcı qaz kəməri çəkilib. İşlər 100% icra olunub.
Kəlbəcər rayonu, “İstisu” mineral su zavodunun qazlaşdırılması üçün 730 metr polad borularla qaz xətti çəkilib. İşlər 100% icra olunub.
Kəlbəcər rayonu, “İstisu” Müalicə İstirahət Kompleksinin qazlaşdırılması üçün 3336 metr polietilen borular qaynaq edilib. İşlər 97% icra olunub.
Ağdərə rayonu Həsənriz kəndində daxili paylayıcı qaz kəmərlərinin çəkilməsi üçün 10972 metr polad və 5220 metr polietilen daşıyıcı qaz kəməri çəkilmiş, 90 fərdi evin daxili qaz xətləri və qaz sayğacları quraşdırılıb. İşlər 100% icra olunub.
Xankəndi şəhərində “Azəriqaz” İB tərəfindən şəhərdaxili 53,5 km qaz kəməri hava vasitəsi ilə kipliyə sınaqdan keçirilib. 18 binada 340 mənzilə qaz sayğacı quraşdırılıb. Xankəndi şəhərində 31 binada 819 mənzilə təbii qazın verilməsi təmin edilib. İlk dəfə qazın verilməsi 17 oktyabr 2024-cü il tarixində olunub. 15 ədəd binanın qaz xətləri (sayğaca qədər) kipliyə və möhkəmliyə yoxlanılıb.
Xocalı rayonunun Ballıca kəndində müxtəlif diametrli qaz xətlərinin 2,3 km hissəsi təmir olunub, kəndə gedən müxtəlif diametrli qaz xətlərinin 3 km hissəsi isə kipliyə və möhkəmliyə yoxlanılıb. 13 dekabr 2024-cü il tarixindən etibarən 49 abonent təbii qazla təmin edilib.
12:44 15.09.2025
Oxunuş sayı: 648
