Yeni virus yayılır: necə qorunmaq olar? - Həkimdən açıqlama
Avstraliyada yeni təhlükəli virus ortaya çıxıb. Belə ki, Avstraliyada yaşayan uçan tülkülərdə yarasaların daşıdığı yeni patogen aşkarlanıb. Hələlik virusun insan sağlamlığına hansı təhlükələri yarada biləcəyi aydın deyil. Bu virusa 2011-ci ildə də rast gəlinib və virusun adı “solt-qalli” virusudur. Belə görünür ki, virus 10 ildən çoxdur təbiətdə özünü qoruyub saxlaya bilib. Bəs bu virusun əsas simptomları nədir və necə yayılır?
Virusun yayılma təhlükəsi, patologiyası ilə bağlı həkim Adil Qeybulla Crossmedia.az-a açıqlama verib: “Avstraliyada uçan tülkülər yarasaların daha iri növüdür. Onların sidiyində “solt-qalli” adlı virus aşkar edilib. Əslində bu virus 2011-ci ildə ilk dəfə patogen kimi tapılıb. Amma hazırda yara salan bu növünün aşkarlanması virusu yenidən gündəmə gətirib. Hazırda ciddi şəkildə müşahidə aparılır və virusun insan sağlamlığına nə qədər zərərli olduğu araşdırılır. Heyvanlar və bitkilərdə xeyli viruslar var ki, hələ insana keçməyib. Lakin keçəcəyi təqdirdə nə kimi simptomlarının olacağını demək də qəlizdir. Necə ki, “coronavirus”a 1960-cı illərdə təsadüf edilmirdi və o yarasalardan insanlara keçərək xəstəlik halına gəldi. Bu virus da elədir. Bu cür patogenlər aşkar edildiyi dövrdən dinamik müşahidələr aparılmalı və onların insana transferinin qarşısı alınmalıdır. Bu virus insanlara necə keçir? Müxtəlif ölkələrdə insanlar bu virusun olduğu heyvanları yeyərək yoluxur və daşıyıcıya çevrilirlər”.
Ayhan
19:16 08.09.2025
Oxunuş sayı: 6176
