İzmirdə qlobal enerji məsələlərinin müzakirəsi davam edir
Türkiyənin İzmir şəhərində keçirilən IV Türkiyə-Azərbaycan Enerji Forumu və 14-cü Türkiyə Külək Enerjisi Konqresi (TÜREK) davam edir.
Crossmedia.az xəbər verir ki, tədbirin ikinci günündə rəsmi açılışdan sonra panel müzakirələrə start verilib.
Panellərdə “Yeni baxış bucaqları: Türkiyənin külək enerjisi gələcəyini formalaşdıran yeni aktorlar”, “Küləkdə təhlükəsizlik səfəri: quraşdırmadan servisə qədər əməyin təhlükəsizliyi və gigiyenası tətbiqləri”, “Yaşıl enerji transformasiyası: külək və enerji anbarlama layihələrində beynəlxalq maliyyələşmənin perspektivləri”, “Dənizüstü küləyin yol xəritəsi: 2035-ə qədər 5 GW-a doğru”, “Yeni üfüqlərə: Xalis sıfır gələcək üçün elektrik və karbon ticarəti ilə toplayıcılıq fəaliyyətlərinin inteqrasiyası” kimi mövzular müzakirə olunur.
Dünyanın müxtəlif ölkələrinin enerji sahəsi üzrə məsul qurumlarının nümayəndələri, mütəxəssislər, siyasətçilərin iştirak etdiyi tədbirdə enerji sahəsini əhatə edən bir çox qlobal mövzu müzakirə olunur.
14:14 05.09.2025
Oxunuş sayı: 4967
