Uşaqların əsəbi özlərindən deyil, bizdən miras qalandır - Psixoloq
Uşaqların emosional inkişafı və davranışlarının formalaşmasında valideynlərin rolu danılmazdır.
Uşaq və Yeniyetmə psixoloqu Aysu Həsənova Crossmedia.az-a açıqlamasında bildirir ki, valideynlərin emosional idarəetmə forması uşaqların davranışında birbaşa əks olunur: “Çox vaxt valideynlər övladının əsəbi, dözümsüz və ya həddindən artıq həssas olmasından şikayətlənir. Amma unudurlar ki, uşaq dünyaya gələndən etibarən ilk ‘emosional məktəb’ valideynin evdəki davranışıdır. Əgər ata-ana gündəlik stresini qışqırıq, əsəb və gərginliklə idarə edirsə, uşaq da bunu özünə model seçir. O, əsəbi olmaq istəmir, sadəcə gördüyünü kopyalayır.”
Psixoloqun sözlərinə görə, uşağın davranışını dəyişdirmək üçün ilk addım valideynin öz emosional tərzini nəzərdən keçirməsidir: “Uşağın sakit qalmasını istəyən valideyn özü də sakitliyi öyrənməlidir. Çünki övladınızın güzgüsü sizsiniz.”
Niyaz Hacıyev
23:30 04.09.2025
Oxunuş sayı: 1083
